På denne sida finn du informasjon om utdanningspermisjon, lese- og eksamensdagar, og korleis du søker om utdanningspermisjon.

English version - Study leave

Temaside om permisjon | Sider merka med permisjon

Kriteria for utdanningspermisjon

Om du har vore i arbeidslivet i minst tre år, og vore tilsett ved NTNU dei siste to åra, har du rett til heil eller delvis permisjon i inntil tre år for å delta i organiserte utdanningstilbod. Av disse kan det innvilgast lønna permisjon for inntil 1 år når:

• Etter- og vidareutdanning skal kvalifisere arbeidstakaren for fortsett arbeid i stillinga eller verksemda, og utdanninga er ein integrert del av arbeidsvilkåra.
• Etter- og vidareutdanning er nødvendig for verksemda.
• Etter og vidareutdanning er nødvendig for at arbeidstakaren skal kunne fortsette i staten.

Det er arbeidsgivaren din som vurderer om etter- og vidareutdanning er nødvendig.

Lese- og eksamensdagar

I forbindelse med eksamen har du rett til ein eksamens- eller lesedag per to studiepoeng. Lesedagane skal nyttast i direkte tilknyting til eksamen. Arbeidstakar og arbeidsgivar må på førehand avtale når dagane skal nyttast.

• Om du tek etter- og vidareutdanning som har lita eller ingen betydning for verksemda, har du rett til permisjon med lønn til saman i inntil sju lese- og eksamensdagar i løpet av eit studieår.
• Om du tek etter- og vidareutdanning som er til nytte for verksemda eller for di stilling / kompetanse, har du rett til permisjon med lønn til saman i inntil 21 lese- og eksamensdagar i løpet av eit studieår.

Merk at rett til lesedagar og eksamensdagar med løn kun gjeld tilsette som tek etter- eller vidareutdanning. Tilsette som er i grunnutdanning har ikkje rett til løn ved lese- og eksamensdagar. Som grunnutdanning blir det i hovudsak rekna den første utdanninga di opp til og med mastergradnivå.

Dersom du er student med ein deltidsjobb i tillegg til studia, har du ikkje rett til fri med løn frå deltidsjobben i samband med eksamen. Arbeidsgivar skal likevel tilpasse vaktplanen slik at du får uløna fri til å gjennomføre eksamen.

Eksamens- og lesedagar blir normalt ikkje gitt ved disputas, doktorgradsavhandlingar osv.

Dersom du får stipend for å dekke vesentlege levekostnader (til dømes frå Lånekassen), har du berre rett til lese- og eksamensdagar utan løn. Dette gjeld òg ved etter- og vidareutdanning.

Søke permisjon

Etter at du har avklart permisjon med din næraste leiar, søker du i Selvbetjeningsportalen:

• Utdanningspermisjon søker du om i fana permisjon. Sjå rettleiing: Søke om permisjon (dfo.no)
• Lese- og eksamensdagar søker du om i fana fråvær: Sende fråværssøknad med fråværsårsak "Eksamen/lesedager/studie 780". Sjå rettleiing: Søke om fravær (dfo.no)

Kjelde/lovverk

• AML § 12-11
• Særavtale om permisjon og økonomiske vilkår ved etter- og videreutdanning, kurs mv. - regjeringen.no

Kontakt

Har du spørsmål om denne permisjonen? Kontakt Tenestesenteret.